Wednesday, April 28, 2010

أنت انتهيت


ولا عمرك كنت روميو ولا شوفتها جوليت
ودخلت بيننا وصدقناك وعالغدر أنت نويت
وحركت فينا وحطيت سيوفك على رقبينا وكأننا مجرد مريونيت
واخدت قوتنا وهديت بيوتنا وربطت بيننا بألف خيط
قلنا يمكن سنة أو حتى عشرين وحيجي يوم تكون فيه انتهيت
وفات كتير ...........واحنا توهنا وهى ضاعت وأنت بقيت
ولما بنينا طريق ممكن يقربنا سبقتنا لأخره وسديته بحيط
لو كنت غمضت وحلمت بيها ومشيت ورا قلبك على خطاويها كنت اهتديت
هي اللي عشت في بيوتها واكلت من خيرها وعلى شط نيلها زمان مشيت
وحتى لما تعبت مين اللي شالك وفى حضن مين ارتميت
قبلك ضحوا عشانها وعدوا بيها وأنت الوحيد اللي علي كتفها عديت
لكن مفيش حال يدوم ويوم لما تشوف حقيقتك هتتمنى ياريتك ما ابتديت
وساعتها كلنا نبقى روميو خدام في بلاط جــولـــيــــت

2 comments:

  1. الله ينور .... حلو اوي اوي اوي بأمانة بجد

    ReplyDelete
  2. شكرا يا محمد ربنا يخليك
    وانت كمان المدونة بتاعتك فيها حاجات حلوة اوي

    ReplyDelete